តុលាការកំពូល ចេញដីកាកោះហៅលោក កឹម សុខា ចូលមកសវនាការនៅថ្ងៃទី២ ខែកញ្ញា ក្នុងនាមម្ចាស់បណ្តឹងសាទុក្ខ
30-August-2016 | ដោយ មែន កំសត់
ភ្នំពេញ៖ លោក អ៊ុក គីមសិទ្ធិ អគ្គព្រះរាជអាជ្ញារង នៃមហាអយ្យការអមតុលាការកំពូល បានចេញដីកាកោះហៅលោក កឹម សុខា ចូលមកសវនាការនៅថ្ងៃទី០២ ខែកញ្ញាខាងមុខនេះ ដោយនៅព្រឹកថ្ងៃទី៣០ ខែសីហានេះកម្លាំងសមត្ថកិច្ចបានយកដីកាទៅបិទនៅជញ្ចាំងមុខផ្ទះរបស់លោក កឹម សុខា ស្ថិតនៅផ្ទះលេខ៩៧ ផ្លូវ៣១៣ សង្កាត់បឹងកក់២ ខណ្ឌទួលគោក។
យោងតាមដីកាកោះ ដែលចុះហត្ថលេខានៅថ្ងៃទី២៩ ខែសីហា បានបញ្ជាក់យ៉ាងដូច្នេះថា “...ក្រោយពីបានពិនិត្យសុំណរឿងព្រហ្មទណ្ឌ៤៦ ចុះថ្ងៃទី២២ ខែសីហា ឆ្នាំ២០១៦ ដែលមានជនត្រូវចោទឈ្មោះ កឹម សុខា ភេទប្រុស អាយុ៦៣ឆ្នាំ ជាតិខ្មែរ(ម្ចាស់បណ្ដឹងសាទុក្ខ),ត្រូវដាក់ឲ្យស្ថិតក្រោមការពិនិត្យពីបទបដិសេធក្នុងការចូលខ្លួន (ពាក្យស្នើសុំបំពេញកិច្ច) ប្រព្រឹត្តទៅរាជធានីភ្នំពេញ កាលពីថ្ងៃទី២៦ ខែឧសភា ឆ្នាំ២០១៦ បទល្មើសព្រហ្មទណ្ឌដែលមានចែងឲ្យផ្តន្ទាទោស តាមញ្ញត្តិមាត្រា ៥៣៨ នៃក្រមព្រហ្មទណ្ឌ...”។
ក្នុងនោះអគ្គព្រះរាជអាជ្ញារង សម្រេចបង្គាប់ឲ្យលោក កឹម សុខា (ម្ចាស់បណ្តឹងសាទុក្ខ) ចូលមកតុលាការកំពូលនៅថ្ងៃទី០២ ខែកញ្ញា ឆ្នាំ២០១៦ វេលាម៉ោង៨ព្រឹក ដើម្បីចូលរួមសវនាការ អំពីដំណើររឿងខាងលើ។
សមាសភាពក្រុមប្រឹក្សាជំនុំជម្រះរួមមាន លោក ឃឹម ប៉ុណ្ណ ជាប្រធាន, លោក យស់ សូឌឿន, លោក សាលី ធារ៉ា, លោក សេង នាង និងលោក គង់ តារាឆាត ជាចៅក្រមប្រឹក្សានៃក្រុមប្រឹក្សាជំនុំជម្រះ៕
ចំនួនអ្នកទស្សនា
- ថ្ងៃនេះ4101
- ម្សិលមិញ4461
- សប្តាហ៍នេះ8571
- ខែនេះ30451
- ឆ្នាំនេះ30451
- សរុប20472907